الملاكم المغربي محمد بن طازوط الذي حكم عليه بالإعدام و رفض العفو أربع مرات( فيديو)

22 فبراير 2020 - 12:36 م سياسة , أخبار وطنية , سياسة , قضايا المجتمع , أقسام أخرى , مستجدات

شهادة جار الملاكم المغربي محمد.بن طازوط الذي حكم عليه بالإعدام و رفض العفو أربع مرات.

أول خروج اعلامي للملاكم القنيطري الذي حكم عليه بالإعدام بعد 22 سنة في السجن، حيث رفض العفو الملكي اكثر من مرات و دابا فضل السجن في بيت حتى يتدخل الملك محمد السادس.

قصة ديالو تيعودها السيد ولد حومتو👇👇هاد السيد سميتو محمد بن طازوط متهم بجريمة قتل سنة 1998 نهار لقاو رأس بدون جثة لأستاذ ثانوي مادة الفلسفة فبلاصة خالية ، وقع إستنفار أمني وإعلامي والصحافة ضغطات على السلطة باش تعطيهم هوية القاتل وبما أن الجريمة مدروسة ومتقونة ومافيهاش أدلة علمية قاطعة .. حتا سمعنا بأنهم لقاو القاتل لي هو محمد بنطازوط والغريب فالامر هاد السيد كاع ساكنة المدينة كيشهدو ليه بالأخلاق والادب والإحترام وهاد السيد بطل المغرب فالملاكمة ، وبحكم انهم كيخدم فمحل بيع الدجاج وعندو سواطر وجناوا ديال الخدمة لقاو فالقميجة ديالو الدم وفاش دارو مطابقة دم الجثة لقاوهم بجوج من فصيلة b لاكن واش زائد ولا ناقص مامعروفش بحكم فداك الوقت كانت الإمكانيات والتقنيات بسيطة والمتهم قاليهم شوفو واش b+ ولا b- معطاوهش التحليل ديال الدم والاغرب فهاد القصة هو ان المتهم كان بايت فدرا صاحبو والام قالت لسلطات بأن ليلة الجريمة المتهم كان بايت فداري مع ولدي والصباح مشاو يديرو الرياضة ، من مور هاد التصريح الام وقع ليها شلال نصفي ، 😱لموهيم خونا دخل للحبس بدون إثبات وبقا 22 عام ، جاه العفو الملكي ثاليهم فين غنخرج ونتوما شوهتو ليا وجهي مع الناس جاه العفو الثاني ورفض وجاه العفو الثالث مبغاش ( خوتي بحكم أنه ولد حومتي وكنعرفو مزيان ..كنكتب والدموع نازلين أقسم بالله ) جاه العفو الثالث وقال للأخت ديالو مغنخرجش غنموت هنا ، باه راحل كبير فالسن مشا حتال عندو قاليه بالحرف الواحد ( محمد ها السخط ها الرضى لما خرج اولدي والله ياخد فيهم الحق ) محمد بنطازوط بحكم انه شخص متدين وكيخاف الله دار بالرضى ديال باه وخرج ليوم مع 10 ديال الصباح ، تشد نهار الجمعة وداز فالمحكمة نهار الجمعة وكيجيه العفو الاول والثاني والثالث بيوم الجمعة ، الله أكبر على الصدفسؤالي ليكم واش لي مرتاكب جريمة قتل ولا سرقة ولا اي جريمة واش غيرفض العفو جوج خطرات ؟

.واش غيفضل السجن على الحرية ؟ واش غتجمع الساكنة كلها وتمشي لباب السجن يستقبلوه بالحليب والتمر ؟ واش غتجي الصحافة تزاحم ليه فباب دارهم ؟ واش غيدير السناسل فيديه ويقسم بالله أنه ميحيدهم حتا يوصل الرسالة ديالو للملك ويعرف علاش ضيعو ليه أجمل مرحلة فعمرو وسط سجون القهر والظلم ؟ملاحضة : محمد بن طازوت كان كينضم دوري كرة القدم فرمضان وملي كيجمعو الفلوس ديال المشاركة كيوزعهم على فقراء ومساكين الأحياء المجاورة وكان كيشري مصاحف القرآن ويفرقهم على المساجد ، ومن شدة الرجولة ديالو والكاريزما ديالو كان كلشي كيحتارمو وحتا أخطر المجرمين ديال قنيطرة كانو كيحتارمو الحي ديالو وميقدروش يمارسو السرقة ولا الكريساج ولا الحكرة والظلم ، وهادشي شفتو بعيني ماشي سمعتو اما القصص عليه ميتسالاوشبغيتكم توصلو هاد الصرخة ديالو لجميع الجهات .فركعو البارطاج أخوتي

#منقول

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *