عشت نفس التجربة إنتهت بالوفاة ” قدر الله ما شاء فعل “

10 سبتمبر 2019 - 1:21 م سياسة , أخبار وطنية , المرأة , فن ومشاهير , أقسام أخرى , مستجدات

” فايسبوكي حر “

في تدوينة جد مؤثرة هكذا رد فايسبوكي على خبر إصابة زوجة الفنان المغربي حاتم عمور بداء السرطان. ( اللهم يارب الناس أذهب البأس و أشف أنت الشافي لاشفاء إلا شفاؤك، شفاؤ لا يغادر سقما)

“التدوينة “

خاصكم تشوفو فمستشفيات الرباط، اللي كيجيو ليها ناس من المغرب كامل، وكاتلقا وحدة بعيدة على مدينتها بمئات الكيلومترات فرضو عليها ضعف التجهيزات الطبية فمدينتها أنها تتعالج فالرباط، وتاتلقا داك الزوج الفقير والمسكين كيدوز الفترة اللي ناعسة فيها مراتو فالسبيطار بين الكيران.. خصو يبقا مقابل مراتو وفنفس الوقت خصو يرجع مرة مرة يطل على ولادو ويجيب لمرتو داكشي اللي بغات، وإلا دزتي بالليل حدا شي سبيطار كبير فالرباط، غاتلقا شحال من واحد كينعس الليل غير فديك الجردة المقابلة للمستشفى حيت جا مع مرتو من مدينة بعيدة وحالتو المادية ماكاتسمحش ليه يبات فالفنادق، وهادشي بلا مانهضرو على التضحية المادية، سيرو للسبيطارات وغاتلقاو رجال غارقين فالبؤس والمشاكل والفقر، والهم الوحيد ديالهم فديك اللحظة هو زوجاتهم يتعالجو ويوليو بيخير وعلى خير.. وحتى اللي كيعرف شي طبيب ولا طبيبة، سولوهم حيت كيشوفو هادشي بعينيهم…. شفى الله كل مرضى العالم، آمين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *